Kureshtja e Keit për t’i njohur sa më mirë çiftet, detyroi Damianon t’i mashtroi sërish në lidhje me njohjen e tij me Donjetën.

Për të ruajtur sekretin e tij në lidhje me jetesën në shtëpi paralele brenda Big Brother dhe për të krijuar idenë tek banorët e tjerë se ai dhe Donjeta janë realisht një çift, Damiano ka vazhduar të tregojë historinë e trilluar rreth njohjes së tij me vajzën nga Prishtina.

“Njoh djalin e xhaxhait të Donjetës. Bashkë me të jetojmë në Suedi. Kemi qenë në shkollë bashkë. Ai e di që ne kemi pasur pëlqim me njëri tjetrin dhe kam kuptuar një lloj konfirmimi nga ai”, trillon historinë Damiano.

Ndërkohë, Kei thotë se nuk ka gjë më të mirë se kur dy njerëz janë njohur me njëri tjetrin nga një i tretë.

Më tej, Damiano shprehet se kërkon një konfirmim nga prindërit e Donjetës, për të ditur më pas si të veprojë mbi këtë marrëdhënie.